Суралцагч байгууллага болоход тохиолддог бэрхшээл болон түүнийг даван туулах арга зам

“Суралцагч байгууллага гэдэг нь бүх түвшин дэх хүмүүс бие даан, эсвэл хамт олноороо хичээнгүйлэн зүтгэж, үнэхээр санаа тавин хүлээж буй үр дүнг бий болгох чадавхиа байнга дээшлүүлдэг газар юм.”
Ричард Караш


Суралцагч байгууллага гэдэг нь ямар нэгэн байгууллагын загвар бус харин суралцах, хөгжих хандлага, стратеги юм.
Аливаа байгууллагын суралцагч байгууллага болоход тулгардаг хамгийн том бэрхшээлүүд нь:
1. Хуучинсаг, босоо удирдлагатай бүтэц ба тэд суралцах үйлийг тодорхой хэмжээгээр хэрэгжүүлдэг. Гэвч энэ бол хамгийн чухал нь гэж үздэггүй зөвхөн өнөөдрийн гүйцэтгэлийг л чухалчилдаг.
2. Ийм удирдлага нь эрсдэл тооцох ур чадвар дутуугаас эрсдэлтэй алхам хийхээс хаширлаж, аливаа өөрчлөлтөд итгэлгүй ханддаг.
3. Мөн байгууллагад үлгэр дуурайлал болж, суралцах хөгжихөд бусдыг уриалах манлайлагч байхгүй байх зэрэг болно.
4. Суралцах үйлд саад учруулдаг бас нэг зүйл нь байгууллагын соёлын нэг “бүлгийн сэтгэхүйн эмгэг” юм. (Ирвин Женис 1970)
Иймд тухайн байгууллага нь эдгээр бэрхшээлийг даван туулж суралцагч байгууллага болоход миний бодлоор дараах нөхцөл байдал шаардагдана. Үүнд:
1. Дээд удирдлага нь үйл ажиллагаандаа “юунд ч гар хүрэхгүй” байх аргыг мөрдлөг болгож, анхаарлаа зөвхөн байгууллагынхаа урт хугацааны ирээдүй болон хөгжлийн асуудалд хандуулж, гүйцэтгэлээс илүү суралцах үйл явцад ач холбогдол өгч сурах.
2. Удирдлага болон менежирүүд нь өөрөө суралцагч байж, сурч мэдсэнээ бусадтай хуваалцах, бусдад харуулах, бусдыг уриалах.
3. Бүх ажилтнууд болон оролцогч талуудын оролцоотойгоор байгууллагын алсын хараа,эрхэм зорилго,зорилтыг дэвшүүлж, тэдгээрийн талаар байнга санал солилцож, ярилцаж улам боловсронгуй болгох.
4. Бие биенээсээ харилцан суралцах явдлыг хөхүүлэн дэмжих, байгууллага дотор нэгж салбар хооронд болон удирдлага ажилтнуудын хооронд хамтарсан уулзалт зохион байгуулж бодлого боловсруулахад бүгдийг татан оролцуулна. Ингэснээр бүх талууд дээд удирдлага ажилтнууд бодлого боловсруулах ажлын нэгэн хэсэг болж эрхэм зорилго нэгтэй болох зэрэг болно.
Гэхдээ дүгнэж бодоход суралцагч байгууллага болох үйл явц нь урсгалаараа бий болдоггүй бөгөөд ихэнхдээ гадаад орчин дахь ямар нэгэн томоохон өөрчлөлт, шинэ манлайлагч, эсвэл ямар нэгэн том суралцагч байгууллагын ач тусыг олж харж чадсан суралцагч байгууллагыг байгуулах хүсэлтэй хүмүүс буюу бүлэг эхлүүлдэг байна.

О.ДАМЖИН