Суралцагч байгууллага гэдэг нь ямар нэг байгууллагын загвар бус харин суралцах, хөгжих хандлага, стратеги юм. Энэхүү тодорхойлолт надад багахан учир дутагдалтай санагдлаа. Би хувьдаа сайн суралцагч байгууллага нь өөрөө бусад байгууллагын хувьд даган дууриах, хуулбарлахад илүү дөхөм ЗАГВАР байж чадна гэж бодож байна. Өөрөөр хэлбэл зах зээл дээр удаан оршин тогтносон, илүү урт настай сайн суралцагч байгууллага нь өөрийн эрхгүй бусдын нүдэнд загвар болж харагдана гэдэгт итгэлтэй байна.
О.Дамжин –ны тодорхойлсноор удирдагч менежерүүд өөрсдөө суралцагч байж, сурч мэдсэнээ бусадтай хуваалцах, бусдыг уриалдаг байх хэрэгтэй гэдэгтэй санал бүрэн нийлж байна. Миний ойлгож буйгаар суралцагч байгууллага байна гэдэг хамт олноороо нэгэн гэр бүл болж, нэгэн санаа зорилготой, нэгэн зүгт хөвөх далбаат хөлөг мэт байх хэрэгтэй. Тэд нэгнийгээ орхиод явдаггүй, бие биенээ тусалж дэмжин, нэгэндээ зааж сурган, мэдээллээ хуваалцдаг байх нь чухал. Энэ бүгдийн цаана “хамт олны найрсаг дулаан уур амьсгал” хэмээх ойлголт илүү түлхүү харагдаж байна хэмээн бодож байна. Илүү дотно, илүү найрсаг, илүү “гэр бүлсэг” байгаа байгууллага нь өөрөө суралцагч байгууллагын нэгэн тод илрэл хэмээн үзэж байна
Х.ТОГТОХБАЯР
Subscribe to:
Post Comments (Atom)
No comments:
Post a Comment