Мэдлэгт түшиглэсэн эдийн засгийн асуудал нь сүүлийн үед дэлхийн хэмжээнд яригдаж, монголчууд бидний ч анхаарлыг багагүй татаж, эдийн засгийн хөгжлийн нэг чухал сурвалж нь мэдлэгийн хуримтлал гэж үзэх болоод байгаа билээ. Гэвч мэдлэгт түшиглэсэн эдийн засгийг бий болгох арга зам нь маргаантай төдийгүй гүйцэд судлагдаагүй хэвээр, мэдлэгийг сүүлийн үеийн техник, технологи, шинжлэх ухааны нээлт, электрон бизнес, интернет, мэдээлэл солилцоотой холбож ойлгох явдал түгээмэл байсаар байна. Энэ нь мэдлэгийн менежментийг зөвхөн программ хангамж, сүүлийн үеийн технологитой холбон ойлгож, ач холбогдлыг нь дутуу үнэлэн давуу талыг нь ашиглаж чадахгүй байх сөрөг үр дагавар байсаар байна.
мэдлэгийн хуримтлал нь нийгмийн сэтгэлгээий хэв шинж, эрч хүч, бүтээлч чанараас ихээхэн хамаарч, цаашдын хөгжлийг тодорхойлохоос гадна тухайн үеийн оюуны хөгжлийн түвшнээс шууд хамаардаг. Мэдлэг нь байгууллагын түвшинд ч мөн л байгууллагын туулж өнгөрүүлсэн түүхийн ой санамж, байгууллагын технологи, үнэлэмжийн систем, хүний нөөцийн бүтээх чадвар, байгууллагын төлөвшлөөс хамаардаг.
Мэдлэг бүтээх нийтлэг үе шатууд нь бүтээлч сэтгэлгээ, мэдлэгийг үнэлэж ,анхаарах, зориудын зорилоготой эрэл хайгуул,оролдлого үйл ажилагаа, илүү тусгай нарийн мэдлэг,өрсөлдөх чадвартай мэдлэгт тулгуурлйсан байдаг.
Байгууллагын түвшин дэх мэдлэг бүтээх үйл явц нь дээрх үндсэн үе шатуудтай бөгөөд, гэвч байгууллагын түвшин дэх инноваци, мэдлэгийн менежмент аяндаа бий болохгүйг дэлхийн олон улс орнуудын туршлага бэлхнээ нотолж байгаа билээ. Ялангуяа монгол орны нөхцөлд юуны өмнө удирдлагын ур чадварыг сайжруулах, мэдлэгийн менежмент, инновацид чиглэсэн сургалтын хэрэгцээ их байгаагаас гадна үндэсний хэмжээний нэгдсэн бодлого, тууштай дэмжлэг зайлшгүй хэрэгтэй байна. Хувийн хэвшлийн гэлтгүй төрийн байгууллагуудын ч үйл ажилллагааны өртгийг багасгах, аргааргачлал, сэтгэлгээг шинэчлэх асуудал өнөөгийн байдлаар тулгамдсан асуудал болоод байгаагаас гадна байнгын тасралтгүй инновацийг зориудаар дэмжихгүйгээр шийдвэрлэх боломж багатай юм. Үүний тулд мэдлэгийн менежментийн үндэсний хөтөлбөртэй байх буюу өөрөөр хэлбэл мэдлэгийн менежментийн нэгдмэл бодлоготой байх нь Монгол орны хувьд зайлшгүй, тулгамдсан хэрэгцээ болж байна.
У.Өсөхбаатар
Subscribe to:
Post Comments (Atom)
sain
ReplyDelete